{ نزلت سوق العطارة } Adel Chaban

قام ‏‎Adel Chaban‎‏ بمشاركة ‏منشور‏ خاص به.

---------------

Adel Chaban

‏

حقوق النشر محفوظة 

-----------؛

نزلت سوق العطارة 

------------------؛

نزلت سوق العطارة 

وعملت نفسى عطار
اوصف الدوا للحيارى
واهدى اللى عقله احتار
واصبر ف السهارى
واسكت اللى ف قلبه نار
-------؛
دويت المحتارين
وبقيت انا المحتار
من عيون جبارين
يخلوا الحلو مرار
وصبرت السهرانين
وصبحت انا السهار
وسكت قلوب المحروقين
وانكويت. . انا بالنار
-------؛
روحت لشيخ العطارين
حكيت له ع اللى جرالى
بكى .. بدمع العين
وصعب عليه .. حالى
قاللى اصبر يا مسكين
م الحب ياما جرالى
د ياما يبكيك سنين
وياما يسهرك ليالى
قلت له ايه دوايا
اوصفه وانا أجيبه
قاللى دواك مش معايا
ده مع اللى خد من عقلك نصيبه
------؛
بقلم / عادل شعبان

أعجبني