{ حبيبى عامل لى خواجة } Adel Chaban

قام ‏‎Adel Chaban‎‏ بمشاركة ‏منشور‏ خاص به.

22 ساعة

Adel Chaban

أ

حقوق النشر محفوظة 

--------------؛

مونولوج خفيف 

{ حبيبى عامل لى خواجة } 

------------------------؛
حبيبى عامل لى خواجة
غوانى ف الف حاجة
بيتكلم لغات .... وسايبنى اهاتى
واتألم آهات ... و مسهرنى ليلاتى
وفى يوم لو عدى وفات
لا يسأل ولا .. حاجة
-----؛
أقول له حلو و جميل
يقول لى ( ثانك يو )
قدم لى ف حبك دليل
يقول لى ( اى لاف يو )
ويسبنى لحبى ذليل
محتار بين ( ييس و نو )
----؛
أقول له قابلنى مرة
يقول لى ( فروم ماى ايز )
أقول له اقابلك بكرة
يقول لى ( مى بى جايز )
ف حبك دوقت المرة
يقول لى ( جود فيرى نايس )
-----؛
أقول له امتى الوصال
يقول لى ( اتانديه )
أقول له حبك خيال
يقول لى ( سى فريه )
ف كلامه مش ميال
ولو ان الشوق ف عنيه
-----؛
أقول له الحب فين
يقول لى ( شى موا )
أقول له اشوفك فين
يقول لى ( بور كوا )
احترت اشكى لمين
لك أنت ولا ( توا )
-------؛
حبيبى عامل لى خواجة
غوانى ف الف حاجة
--------؛
بقلم / عادل شعبان

أعجبني