{ أميرتى } Hassan Elnshar

Hassan Elnshar

-----------------

بقلم /م/حسن النشار
22/11/2016

أميرتى...
وحببــــــــــــــــــــــــــــتى
اشهدلكى..من يومى بحبك..
اشهد.. بالرقه اللى ف طبعك..
اشهد ع الحلو اللى ف طعمك..
وجمال الحب اللى ف قلبك..
اشهد واتمنى اعيش جنبك..
وافضل طول عمرى اسير حبك..
اشهدلكى.. انتى الحنيه..
وانكى اغلى الكل عليا..
من غيرك صبرى يفيض بيا..
ويتوه الكون من حواليه..
اشهد انكى ضى عينيا..
والقلب ارتاح يوم ما اتبعك..
اشهدلكى فى عينيكى براءه..
تعطف وتحن ومشتاقه..
وانتى اللى يحبك لو حيموت..
يتمنى ف يوم يسمعلك صوت..
ويعيش ايام وسنين يحلم..
قبلك كان حى وكان له وجود..
ولا دا كان وهم ومش موجود..
اشهدلكى فيكى الحسن جميل..
والاجمل لما القلب يميل..
والحب فى قلبك حب كبير..
قد الدنيا.. واخلاصه دليل..
اشهد انكى الهام وحياه..
قربك جنه ومحراب وصلاه..
مرك سكر من طعم الحب..
وعتابك يشجى ولحنه الاه..
اشهدلكى انتى بتقرينى..
وبتملى حياتى وتحيينى..
وانكى عاشقه وبتحبينى..
وانتى الاحساس اللى مالينى..
من عطفك على ايامى بعيش..
لو حب العالم مايكفيش..
ولا شىء ف الدنيا يوفيكى..
ينسانى الكل ومابتنسيش..
اشهدلكى لو ح اعشق تانى..
وهنانى وكررها زمانى..
حيكون حبك زى الاول..
واختار انى احبك تانى
بقلم / الشاعر / حسن النشار 🌹 🌷 🌹

أعجبني

أعجبني

أحببته

هاهاها

واااو

أحزنني

أغضبني