{ رسالة خاصة.} Hassan Elnshar

Hassan Elnshar

--------------

رسالة خاصة. ..اليكِ. ..سيدتى. ..حواء
بقلم /الشاعر....حسن النشار
22/3/2017
انتى اجمل بإبتسامتك
فأوعى مره تخسريها
واحفظى جدا كرامتك
كونى ملكه عاليه بيها
اضحكى من جوه قلبك
ضحكتك .. الدنيا فيها
اه يا حته من القمر
راسمه بعيونك صور
وحدك انتى تلونيها
قومى يلا وشدى حيلك
متخلقشى اللى يهدك
اللى حبك مش باقيلك
امسحى دمعك بخدك
عيشى من تانى الحياه
اضحكى بأعلى صوتك
واثبتيله ..
ان قلبك لو هواااه
سهل عندك تدفنيه
ولا يوم تجيله
اكديله ..
انك انتى كنتى نعمه
بس هو اصله اعمى
عمره ما حرص عليها
فاضحكى واتمايلى بعده
عرفيه .. ان قربه
عادى جدا زى بعده
وانك انتى لسه عايشه
لسه ليكى امانى تانيه
ناويه برضه تحققيها
وانه حتى لما غشك
ضحكتك لسه فى وشك
وقادره دايما تضحكيها
 ////////////////

أحببته