**** شبنا واحنا لسه شباب ****
حاسب ياخال حاسب ياعم
إحنا جيلنا شايل الهم
قولتو علينا جيل النت
وكمان قولتو دا جيل التت
ومش عارفين فينا الواد من البنت
كان فى زمان اللمبه الجاز
واحنا زمانا اللمبه اللد
كل كلامنا يبقى هزار
ومش واخدين ديما ع الجد
ولو مشينا فى يوم ع الموضة
يبقى هتقيمو علينا الحد
والله شبنا واحنا شباب
كل حياتنا بقت الم وعذاب
مش لاقي شغل عشان أفتح بيت
طب حتت أرض واعملها أنا غيط
نفسى فى شقة أجووز فيها
ومش بأيدي ياناس ألاقيها
وشهادتى ياناس مؤهل عالى
ولو هاتقدم لبنت حلال
على طول هاتقولى دا مهرى أنا غالى
والله شبت وانا لسه شباب
رضا حسب النبى
4/11/2016
ليست هناك تعليقات:
إرسال تعليق