مشتاقه الصبر
يوشوش أغصان الأمل
إيلوح الندى
بشي نسمة برد
ايطفي الجمر
تتغير فصول الدني
إيفل حزني
يجي الربيع
يتمايل ع الرمش
مشتاقه إلك
إمشي معك
إسمعك و تسمعني
شوف الحلا
ع خدود الصبر
متلتله زهورك
ع كل دربي
مشتاقه النبع
يسقيني طيبك
همسك إلي
يمشي بوريدي
مشتاقه قصيده
مغزوله حبق
ع ضفاف حكايه
ترسم الضحكه
ع شبابيك الغربه
ليلي ونهاري
الدمع يكتب الكلمه
تبقى معي بالفكر
تغفى ع الفجر
ع سطح نجمه
بقلبي إنت
زنبق زهر
عرق أخضر
بيمشي بدمي
خليني ع بالك
راجعه الك
مشتاقه غمره تغمرني
ترجعلي إنت
تكتبني الشمس
والقمر ع العهد
وفا يندهلي
مشتاقه غمره
ترابك وشم
بالشهاده والنصر
عمرك شموخ
عمري بإسمك
يضوي بالسما
مشتاقه غمره
دخيلك يا
وطن إغمرني بحضنك
........ ........ ........
يسعد قلوبكم جميعا أحبتي
بكل خير ورضا وراحة البال من الله
....بقلم جوهرة الياسمين
ليست هناك تعليقات:
إرسال تعليق