{ انت العرس والفرح } ‏‏الاديب رسمي خير‏

‏‏الاديب رسمي خير‏ 

انت العرس والفرح 
=============
يا ليلى خبيتك في قلبي ...
وينك اليوم صرت عني بعيده 
ناطرك على دروب المحبة 
صوب المحطه البعيده
وانت عم بتغني موالك
اشتقت لصوتك
كلامك عم بذكرني
أيام الولدنه
يوم كنت صغيره
رسمتك على شجرة اللوز
وهديتك
 من بستان بيك ورده حمره
ومحرمه تتبقي تتذكريني
والقمر حدنا
كنا نكتب قصتنا الجميله
كبرنا سوا خبيتك بعيوني
كنت ب هالليل رفيقة دربي
وأحلامي السعيده
===========
ع شط البحر
أبعتلك مرسال المحبه
مع وردة
بكيت الدمعات ....
.وينك اليوم
محرمتك عم بذكرني بدمعات
قلبك
سألت صبايا الضيعه
وين ليلى؟؟؟؟
قالولي
في الغربة عم تبكي
بالليل والنهار عم تحكي للشجر
في ضيعة العشاق
تركت المحبة
ع التل البعيدة
===========
يا ليلى
صار لي سنين ناطرك
من هالغربة تتجي
أنا وعصفورتك عم بنغني
وبسمتنا حزينه
هالأرض هي حياتي
انت العرس والفرح
حضلك انت الوردة
في قلبي
ع تل العشاق
ناطرك تترجعي
==================
 بقلمي الأديب د. رسمي خير

أعجبنيعرض مزيد من التفاعلات