{ انطرتك يا قمر عمري } Toufic Ojeil

قام ‏‎Toufic Ojeil‎‏ بمشاركة ‏منشور‏ خاص به.

10 س

Toufic Ojeil

‏7 يوليو‏، الساعة ‏04:37 م‏ · ‏لافال‏، ‏‎Quebec‎‏، ‏كندا‏

همسات توفيق 

:::::::::::::::::::

انطرتك يا قمر عمري 

تتجلي سهر حبي 

مبارح كنت سهران 

وقت طليت على غفلي
من بين الشجرتين شفتك
حاطت عينك عليي
غمزتك بصورة
من نفخة الروح
وقبل ما تروح
حملتك جروح
ضميتك على صدري
يا قمر عمري
أنا على المسطبي سهران
صور وخيالات ونهدات
مرافقة العتمات
دمع العيون على الخدين
نهر جفلان
وين يلي كان على الكتفين
غفيان
وين العشق ولهيب النيران
وين وعد بدر البدور
وين عطر الحبق والمنتور
وين الصلاة وين الإمان
معقول هاجر الطير من عندي
معقول الربيع تأخر بالوصول
معقول أنت سابق
وعودك
معقول مضيع حدب
وحدودك
وحياة نور قلبك
يا حبيب الروح
يا عاشق يا أصيل
وبن الهوى العليل
يا نسمة عطر فواح
وحياة دمع الريح
حبك بقلبي مستريح
هون باقي ما بتزيح
لو هبت الرياح
ونسم هوى الجراح
رح ترجع ليالي الإنشراح
رح عيش بغيابك
على أمل قربك
ضمك بحنان
وتضمني بأمان
والك بحبك بحبك
يا زهرة الارجوان
تسلملي واسلملك
::::::::؛::::::::::::::::::::::::::::::
٩:٠٠/٧/٧/٢٠١٧همسات
الشاعر توفيق سليم العجيل

أحببته

أعجبني

أحببته

هاهاها

واااو

أحزنني

أغضبني